Mae rheolwyr Gweithgynhyrchu’n gyfrifol am gynllunio’r agwedd gweithgynhyrchu mewn cwmnïau bwyd. Mae’r rôl hon hefyd yn gofyn am sgiliau sylweddol yn ymwneud â rheoli adnoddau dynol, rheoli perfformiad a chynllunio strategol.

Fel rhan o’r rôl arbenigol hon yn y diwydiant bwyd, byddwch yn gyfrifol am oruchwylio amrywiaeth o brosesau a gweithdrefnau, gan sicrhau bod y lefelau perfformiad uchaf posib yn cael eu cyrraedd.
Yn ogystal, bydd disgwyl i chi adolygu’r prosesau a’r gweithdrefnau hyn gyda’r bwriad o’u mireinio a’u gwella.
Gellir crynhoi eich swydd fel cynnal ac ehangu ar ganlyniadau’r broses gwelliant parhaus.

Defnyddio eich sgiliau a’ch arbenigedd i leihau’r risg o anafiadau, damweiniau a phroblemau iechyd eraill yn eich cwmni gweithgynhyrchu bwyd.
Byddwch yn gofalu fod pawb yn y cwmni’n deall eu cyfrifoldebau ac yn cydymffurfio’n llwyr â deddfwriaeth iechyd a diogelwch perthnasol a pholisïau cysylltiedig y cwmni a ffyrdd o weithio.

Bwriad eich swydd fel rheolwr marchnata yw cynllunio a chyflwyno’r ffyrdd gorau i hyrwyddo cynnyrch eich cwmni er mwyn gwneud yr elw mwyaf.
Byddwch yn defnyddio eich creadigrwydd a’ch arbenigedd i sicrhau bod cynnyrch newydd eich cwmni yn cael eu lansio’n llwyddiannus, a sicrhau bod gwerthiant cynnyrch sy’n bodoli eisoes yn cael eu cynnal neu’n tyfu.

Byddwch chi, fel Rheolwr Pecynnu, yn gyfrifol am yr holl waith sy’n ymwneud â phecynnu o fewn eich cwmni, felly byddwch yn arwain adran sy’n darparu gwybodaeth pecynnu, datblygiadau pecynnu newydd, rheoli stoc, rhagolygu a rheoli perthynas gyda chwsmeriaid yn gywir ac yn amserol.

Byddwch yn rheoli’r swyddogaeth gynnal yn eich cwmni ac mae hynny’n golygu gofalu am y peiriannau a’r cyfarpar yn y cwmni neu eich rhan chi ohono.
Byddwch â chyfrifoldeb am arwain y tîm cynnal, systemau cynnal ataliol, darnau sbâr a storfeydd.

Byddwch yn goruchwylio’r broses o gynllunio, datblygu a gosod systemau TG wedi’u diweddaru a systemau newydd sbon sy’n cwrdd ag anghenion y cwmni bwyd sy’n eich cyflogi.
Bydd angen i chi sicrhau bod popeth sy’n ymwneud â’ch prosiect TG yn cael ei gydlynu’n effeithiol ac yn rhedeg yn ôl yr amserlen a’r gyllideb.
Bydd y rôl yn addas ar gyfer person trefnus iawn sy’n mwynhau datrys problemau, ond wrth gwrs, mae gwybodaeth TG yn hanfodol.

Fel rheolwr rhwydwaith TG y cwmni, byddwch yn goruchwylio gwaith cynllunio, gosod a chynnal a chadw’r systemau TG.
Bydd angen i chi roi cynlluniau mewn lle ar gyfer trwsio systemau ac adfer rhaglenni mor gyflym â phosib er mwyn ymyrryd cyn lleied â phosib ar y busnes.
Byddwch yn rhan o dîm TG ac yn gweithio gydag amrywiaeth o reolwyr prosiectau a thechnegwyr.
Os oes gennych feddylfryd technegol, sgiliau TG da, a’ch bod yn mwynhau datrys problemau, gallai hon fod yn swydd ddelfrydol i chi.